Мәжіліс депутаттық әдеп жөніндегі кеңес жазалаған депутаттардың есімін жасырды, - деп хабарлайды Аqshamnews.kz тілшісі "Ақ Жайық" басылымына сілтеме жасап.
Кеңес төрағасы Бақтықожа Ізмұхамбетовтің сөзінше, бұл кеңесте Мәжілістің әрбір тұрақты комитетінен өкілдік ететін жеті депутат бар. Осы іріктеуден өткен депутаттар әдеп мәселелеріне байланысты түскен әрбір өтінішті жан-жақты қарайды.
Басылым мәліметінше, қызмет барысында кеңестің 15 отырысы өткен. 17 депутатқа қатысты этикалық нормаларды сақтау бойынша ұсыныс берілген. Төрағаның айтуынша, депутаттардың қайсы және не үшін жазаланғаны туралы ақпарат шектеулі.