Осы аптада әнші Сәкен Майғазиев Тредс желісінің жұлдызына айналды. Ал блогер Мерей Әбілова неге тағы хейтке ұшырады? Блогердің қай қылығы жұртқа жақпай қалды? Әдеттегідей Аqshamnews.kz тілшісінің материалында.
Майғазиев эмодзилермен тренд таратты
Майғазиев Тредсте лифтіде қамалып қалғанын бөлісті.
"Лифт ашылмай қалды. Алтындарым-ау, барлығы жаны қалмай жүгіріп жүр. "Қазір шығарып аламыз, ешқайда кетіп қалмаңыз", деп қояды. Қайда кетем?",- деп жазды әртіс өз жазбасында.
Майғазиевтің жазбасына жалаушалардан бастап, таңбалар, тамақ, жануарлар және тұрмыстық заттарға дейін ұзын-сонар эмодзилер қатарласып берілген. Дәл осы жайт қызу талқылаудың басталуына түрткі болды.
сурет: Тредс желісінен скрин
Әншінің жазбасының астына жазылушылар жүздеген смайликке толы пікірлер қалдыра бастады. Кейбіреулер әзілдеп сұрақ қойып бастады:
"Сәкен аға, шықтыңыз ба?", "сізге лифтіден тікелей эфир қосу керек сияқты", "сіз әр жазбаға смайликтерді жеке таңдайсыз ба, әлде жай ғана көшіріп қоясыз ба?" - деп жазды Тредс қолданушылары.
Ал кейбіреулер әртістің "бірде-бір смайликті ренжітпей", оларды барынша пайдаланып жүргенін күлкі қылды.
сурет: Тредс желісінен скрин
Біраз уақыттан кейін Сәкен Майғазиев қайта жазба жариялап, лифтіден аман-есен шыққанын, алайда қарбаластан оны бірден айтуды ұмытып кеткенін түсіндірді.
"Айттым ғой, адам баласы ұмытшақ деп. Лифттен аман-есен шыққанымды айтам деп ұмытып кетіппін ғой. Баршаңызға мың алғыс! АЛЛА разы болсын. Ешқашан лифтте қалып коймаңыздар" деп жазды ол.
