Мәдениет және ақпарат министрлігі тележурналист Азат Рыстанбектің қазасына қайғыра көңіл айтты

Азат Рыстанбек ұзақ жылдар бойы «Qazaqstan» телерадиокорпорациясында қызмет етіп, отандық журналистиканың дамуына өзіндік зор үлес қосты. Ол тарихи сана мен ұлттық жадыны жаңғыртуға бағытталған мазмұнды да маңызы жоғары жобалар жасап, тың деректі фильмдер мен репортаждар әзірледі. 

«Алтайдан Анадолыға», «Русафа: Маңызды миссия» деректі жобалары, сондай-ақ Бухенвальд пен Цайтхайн секілді тарихи орындардан дайындаған материалдары қазақ журналистикасының алтын қорынан орын алады.
Өзінің кәсіби білімі мен азаматтық ұстанымы арқылы жас буынға үлгі бола білген ардақты азаматтың жарқын бейнесі туған халқының жадында мәңгі сақталады деп сенеміз. Марқұмның жаны жәннатта, иманы саламат, топырағы торқа болсын!