Күні бойы сергек жүру үшін не істеу керек? Невролог Ксения Овсянникова кеңес берді, - деп хабарлайды aqshamnews.kz тілшісі "Доктор Питерге" сілтеме жасап.
Таң сайын бір уақытта тұру
Ең қолайлы аралық - 6:00-7:00. Бұл кезде сергектікке жауап беретін кортизол деңгейі жоғары болады. Егер таңғы 8-ден кейін тұрсаңыз, күні бойы бойкүйез болып жүруіңіз мүмкін.
Оянған бойда жылы су ішу
Кофе кейін ішесіз! Әуелі бір стақан, тіпті жарты литрге дейін жылы су ішіңіз. Лимон мен зімбір де қосуға болады. Мұндай су өттің ағуын, асқазан-ішек жолының лимфа жүйесін іске қосады. Сондай-ақ, стресс немесе тығыз жұмыс ырғағынан туындауы мүмкін спазмдарды босатуға көмектеседі.
Душ қабылдау
Су бүкіл дене бойынша лимфа ағысын жеделдетіп, микроциркуляцияны жақсартады және тамырларды дәріден де жақсы "жаттықтырады".
Кузнецов аппликаторында тұру
Тісті тазалап тұрған бірнеше минут жеткілікті. Әуелі шұлықпен, кейін жалаңаяқ тұруға болады.
Таңғы ас ішу
Таңғы ас - рационның ең маңызды бөлігі. Күні бойы қуат беретін тағамдарды таңдаңыз. Жедел дайындалатын "бес минуттық" ботқалар жарамайды: олар қандағы қантты күрт көтеріп, артынан тез түсіреді де, қарныңыз қайта ашады.
Әдет қалыптастыру
Мысалы, сүйікті музыкаңызды қосыңыз, терезе алдында бірнеше минут тұрыңыз және т.б. Осындай жағымды ұсақ‑түйектер таңғы уақытты жағымды етеді.