Аqshamnews.kz редакциясы "Күн саны" айдарында аптаның ең маңызды деректеріне шолу жасады.
Биыл өнеркәсіп өндірісінің көлемі триллион теңгеге жуықтады
Алматыда 2025 жылғы қаңтар-мамыр аралығында өндірілген өнім көлемі 976,2 млрд теңгеге жетті.
Өсім өзге де негізгі салаларда тіркелді:
- Машина жасау саласында ең үлкен өсім байқалып, 366,1 млрд теңгеге жетті;
- Басқа бейметалл минералды өнімдер өндірісі 47 млрд теңгеге жетті;
- баспа ісі 27,3% өсіп, 25 млрд теңге болды;
- Фармацевтика өндірісі 14,2% (11,2 млрд теңге);
- киім өндірісі 18,8% (3,7 млрд теңге);
- ағаш бұйымдары өндірісі 35,2% (3,4 млрд теңге) өсті.
Амнистия туралы заңға қол қойылды
Бұл туралы президент Қасым-Жомарт Тоқаев құқық қорғау органдарының кеңейтілген алқа мәжілісінде айтты.
"Осы ізгі шараның арқасында жазасын өтеп жатқан 15 мыңнан астам адамға амнистия жарияланды. Соның екі мыңнан астамы бостандыққа шығады. Қалғандарының жаза мерзімі қысқарады", - деді ол.
Мәжіліс қорытындысы
25 маусымда Мәжілістің үшінші сессиясының қорытынды отырысы өтті. Парламент Мәжілісінің төрағасы Ерлан Қошанов атқарылған жұмыстардың нәтижесін бөлісті.
Осы сессияда 39 жалпы отырыс өтіп, 249 мәселе қарап, 90 заң қабылдарған.
"Келешек мектептеріне" қатысты өзгеріс
Елімізде Мемлекет басшысының бастамасымен "Келешек мектептері" ұлттық жобасы қарқынды жүзеге асырылып жатыр. 2024–2025 оқу жылында 254 мың орындық 105 жаңа форматтағы мектеп пайдалануға берілді, ал 2025 жылдың аяғына дейін олардың саны 217-ге жетеді.