Қазгидромет синоптиктері 10 тамыз, сенбіге арналған ауа райы болжамын жариялады.
Оңтүстік циклон және онымен бірге келетін атмосфералық фронттар әлі де Қазақстан аумағының басым бөлігіне ықпал етеді, деп хабарлайды aqshamnews.kz.
Соның салдарынан ауа райының тұрақсыз сипаты сақталады: күн күркірейді, бұршақ және дауылмен бірге жаңбыр жауады, солтүстік-батыста, солтүстікте, шығыста, орталықта қатты жаңбыр жауады.
Тек елдің батысында ғана жауын-шашын жаумайды, күн ашық болады.
Республика бойынша жел күшейеді, оңтүстікте шаңды дауыл, солтүстік-батыс, солтүстікте түнде және таңертең тұман түседі.
Күндіз Алматы және Жетісу облыстарында қатты ыстық сақталады.
Еліміздің барлық дерлік өңірінде жоғары өрт қаупі бар.