Коронавирус штаммын анықтайтын ПТР тест жасалды

Британдық ғалымдар мұрын-жұтқыншақ үлгілерінде SARS-COV-2 коронавирусының әртүрлі нұсқаларын немесе тұқымдарын дәл анықтай алатын аллельге тән полимеразды тізбекті реакцияны әзірледі. Сонымен қатар, жаңа әдіс вирустық РНҚ бұзылған үлгілерде де вирустық нұсқаларды анықтауға мүмкіндік береді. Зерттеу нәтижелері medRxiv.org препринттер серверінде жарияланған, деп хабарлайды Almaty-akshamy.kz тілшісі РИА-Новостиге сілтеме жасап.

Авторлар вирустық РНҚ-сы төмен немесе ыдыраған РНҚ-сы бар үлгілерде де нақты уақытта анықтай алатын сандық полимеразды тізбекті реакция (ПТР) әдісін әзірледі және оны клиникалық сынақ арқылы тексерді.

Ғалымдар Ұлыбританиядағы SARS-Cov-2 жұқтырған пациенттерден алынған 717 үлгідегі, сондай-ақ, Бразилиядан келген 365 үлгідегі вирустық нұсқаларды анықтау үшін аллельге тән зонд ПТР деп аталатын жаңа әдісті қолданды. Бірінші жағдайда олар вирустың S-ақуызынан альфа нұсқасына тән D1118H мутациясын, екіншісінде коронавирустың гамма нұсқасына тән K417T және L3468V мутацияларын тапты.

Екі жағдайда да олар аллельге тән зонд ПТР сезімталдығын NGS әдістерімен салыстырды. Талдау көрсеткендей, анықталған вирустық нұсқалардың 99 пайыздық салыстырмалылығымен вирустық жүктемелердің кең ауқымы бар үлгілердегі жаңа әдістің дәлдігі 25 пайызға жоғары. Сонымен қатар, ол бұзылған РНҚ үлгілерінің 95 пайызын тиімді анықтады, ал NGS бұзылған үлгілердің 11 пайызынан аспайтын секвинирленді.

Авторлардың айтуынша, жасалған әдістің тағы бір артықтықшылығы оның болашақта SARS-CoV-2 геномында пайда болуы мүмкін жаңа мутацияларды мақсатты ету үшін оңай өзгертілуі болып табылады, бұл жаңа штаммдардың таралуын жылдам қадағалау үшін өте маңызды.