Әлем жаңалықтары
Австралия Парламенті қызметкерлердің бірінен коронавирус инфекциясы анықталуына байланысты жабылды, деп хабарлайды Almaty-akshamy.kz Covid-19 таралуына жол бермеу жөніндегі ВАК-қа сілтеме жасап.
Парламентте қашықтан жұмыс істеуге мүмкіндігі жоқ қызметкерлер үшін ғана ғимаратқа кіруге рұқсат етіледі.
Ослода шамамен 120 адам Рождество алдында ұйымдастырылған мерекелік корпоративте коронавирус инфекциясын жұқтырған. Сынамаларға жүргізілген талдауға сәйкес вирус жұқтырғандардың жартысына жуығында «омикрон» штамына күдікті жағдай анықталса, 13 адамда бұл штамм дәл расталды.
Ал, Берлин полициясы ковид-диссиденттер акциялары кезінде 58 адамды ұстады. Сонымен қатар екі тәртіп сақшысы зардап шегіп, бірнеше журналиске шабуыл жасалды. Бұған дейін Берлин билігі мұндай акцияға тыйым салған болатын.