Елбасы кітапханасы Конституцияның алғашқы қабылданған сәтінен тарихи бейнедерек жариялады.
Қазақстан Конституциясының қабылданғанына 26 жыл толуына орай Елбасы кітапханасы Н.Ә. Назарбаевтың жеке архивіндегі құжаттар мен материалдар негізінде еліміздің басты заңын дайындау тарихынан сыр шертетін бейнеролик дайындады, деп хабарлайды Almaty-akshamy.kz.
1995 жылғы 30 тамызда бүкілхалықтық референдумда Қазақстан Конституциясы қабылданды. Елдің басты құжатында Қазақстан демократиялық, зайырлы, құқықтық және әлеуметтік мемлекет ретінде көрсетілген, оның ең қымбат қазынасы – адам және адамның өмірі, құқықтары мен бостандықтары болып саналады.
Конституцияны әзірлеу және қабылдау Қазақстан Тәуелсіздігінің қалыптасу жолындағы шешуші сәттердің бірі болды.
Елбасы Н.Ә. Назарбаев өз сөзінде: «Біздің Негізгі Заңымызда табысты даму үшін де, Ұлттың өзді-өзінен жаңаруы үшін де барлық құқықтық құралдар бар. Біз алдымызға жаһандық мақсат – ғасырдың ортасына қарай, 2050 жылға дейінгі кезеңге әзірленген стратегиялық бағдарлама негізінде Қазақстанды әлемнің неғұрлым дамыған 30 елінің біріне айналдыру мақсатын қойдық», – деген болатын.