Алматыда желтоқсанның басында қандай қызық іс-шаралар өтеді? Қайда барып демалуға болады? Толығырақ Аqshamnews.kz материалында.
Концерттер
Осы демалыста бірнеше концерт жоспарланған:
- 6 желтоқсанда "Қысқы ертегі: LEVEL UP FEST 2025" кеші өтеді. Онда Ninety One, GHETTO DOGS, Yenlik, HatikoAli сынды әншілер өнер көрсетеді. Билеттер мына жерде.
- 6 және 7 желтоқсанда ескі әндер кеші жоспарланған. Kosmuse тобы сүйікті ескі әндерді жаңа әуенмен орындайды. Билеттерді мына сілтеме арқылы сатып алуға болады.
Театр
Ғабит Мүсірепов атындағы Қазақ мемлекеттік академиялық балалар мен жасөспірімдер театрында:
- 5 желтоқсанда "Әпке"
- 6 желтоқсанда "Шие бағы"
- 7 желтоқсанда "Тойы көп үй" спектакльдері қойылады.
Абай атындағы Қазақ ұлттық опера және балет театрында:
- 6 желтоқсанда Чайковскийдің "Щелкунчик" балеті;
- 7 желтоқсанда Ахмет Жұбанов пен Латиф Хамидидің "Абай" операсы қойылады.
Кино
Алматыда желтоқсанның басында қыдыратын орындардан бөлек, қазақстандық "№37" драмасын, "Bayguys" комедиясын және "Аңдар шаһары 2" мультфильмін тамашалауға болады.
Stand-up
- 5 желтоқсанда әлемге танымал қазақстандық стендапер Евгений Чебатков өнер көрсетеді! Билеттер мына жерде.
- 7 желтоқсанда Apta Ne Did жобасының түсірілімі өтеді. Онда комиктер кейінгі апта жаңалықтарына шолу жасап, әзіл арқылы талдайды.
Бұдан басқа
Дүйсенбі-жұма аралығында Шәкен Айманов атындағы "Қазақфильм" ұлттық киностудиясында экскурсия жасалады. Сағат 9:00-17:00 аралығында киностудия аумағын аралап, тарихымен таныса аласыздар.