Нью-Йоркте 1959 жылғы Chevrolet Impala туралы хабарландыру (Craigslist) жарияланды. Иесі отыз мың долларға бағалаған кабриолеттің тек тат басқан қаңқасы қалған деуге болады.
Анадан қандай қосалқы бөлшек табуға болатынын білмейміз. АҚШ-та мұндай ақшаға жақсы жабдықталған Toyota Camry сатып алуға болады,– деп хабарлайды аlmaty-akshamy.kz Kolesa.kz-ке сілтеме жасап.
Бұл модель Bel Air-ден бөлініп кеткен кезде шыққан алғашқы нұсқа сияқты. Суреттен көліктің тиісті күтімсіз, далада тұрғанын байқайсыз. Кабриолеттің артқы дөңгелектері мен түбі жоқ, салонды тек елестетуге болады, ал аман қалған шанақ панельдері шіріп кеткен. Қозғалтқыш жайында хабарландыруда айтылмаған, суреті де жоқ. Қорабы орнында болғанымен Impala мотормен баяғыда қош айтысқан болу керек. Көліктің иесі мәшиненің тат басқан бөлшектерін қоса береді. Коллекционерлер 1950 жылғы «Импалаға» шынымен қызығады. Сарапшылардың пікірінше, жақсы сақталғанының құны жүз мың доллардан асады. Иесі металл коллекциясын донор ретінде сатқысы келетін сияқты. Кабриолеттің құжаты түгел, ал қаңқасында зауыттық деректер жазылған тақта бар көрінеді.