Қазақстан Ішкі істер министрлігі көлік терезелерін толықтай қараңғылауға қарсы,деп хабарлайды aqshamnews.kz
ІІМ Ержан Сәденовтің айтуынша, қолданыстағы ережелерде әйнектерді қараңғылатуға байланысты нақты талаптар бар.
"Біз бұған түбегейлі қарсымыз. Қазір қолданыстағы нормаларға сәйкес алдыңғы әйнектер қараңғыланбайды, ал артқы әйнектерге зауыттық стандарттар енгізілген. Менің ойымша, қауіпсіздік мақсатында көліктің алдыңғы да, артқы да әйнектерін толық қараңғылатуға жол берілмеуі керек. Біз бұған қарсымыз," – деді министр.
Бұған дейін кейбір депутаттар көліктің алдыңғы терезелерін ақылы түрде қараңғылатуға рұқсат беруді ұсынған еді. Алайда ІІМ бұл бастаманы құптамай отыр.