Көлікті мас күйде жүргізген қазақстандыққа жүргізуші куәлігі берілмейді

Әлеумет 19.09.2024, 18:40 1,281

almaty-akshamy.kz

Енді көлікті мас күйде жүргізген қазақстандыққа жүргізуші куәлігі берілмейді, деп хабарлайды aqshamnews.kz.

Ішкі істер министрінің орынбасары Игорь Лепеха заңдағы жаңа норманы түсіндірді.

"Жүргізуші куәлігі жоқ адам туралы айтайын. Мысалы, ол мас күйде әкесінің көлігіне отырды дейік. Біз оны ұстаймыз. Соттың үкімімен күдікті 20 тәулікке қамауға алынады. Оның жүргізуші куәлігі жоқ, ол одан айырылмайды.

Ертең ол ХҚКО-ға барып, жүргізуші куәлігін алып, 3 айдан соң көлікті басқара алады. Бұл әділетті емес. Сондықтан ол заң бойынша 7 жыл жүргізуші куәлігіне тапсыра алмайды", - деді Игорь Лепеха.

Бөлісу: