Көлікті 5 минут қыздыру тақырыбы неше күннен бері "қызып" тұр.
Депутаттардың үндеуінен кейін бұл ереже қайта қаралатын болды, деп хабарлайды aqshamnews.kz.
Бұл мәселені құрамына мемлекеттік органдар мен депутаттар кіретін ведомствоаралық комиссия қарайды. Бұған дейін бұл нормаға наразы болған депутаттар суық мезгілде көлікті 5 минуттан артық қыздырғаны үшін салынатын айыппұлды қайта қарауды талап еткен болатын. Айтпақшы, бірінші рет бұзғаны үшін – 19 660 теңге, қайталанса – 39 320 теңге айыппұл салынады.
«Осы тақырып бойынша депутаттық сауал түссе, бұл мәселе нақтыланып, талқыланады. Сондай-ақ, тексеру қорытындысы бойынша қорытынды шығарылады», - деді Әділет вице-министрі Ботагөз Жақселекова.