Көктемгі егіс жұмыстарын ерте қаржыландыру: 206 млрд теңгеге 1,8 мыңнан астам АШТӨ қаржыландырылды.
ҚР ауыл шаруашылығы министрі Айдарбек Сапаров Үкімет отырысында агроөнеркәсіптік кешенді қаржыландыруда жаңа тәсілдерді қолдану нәтижелері туралы баяндады, деп хабарлайды aqshamnews.kz.
Ол көктемгі егіс жұмыстарына жеңілдетілген кредит көлемі 700 млрд теңгені құрайтынын атап өтті.
«Өткен жылдың қараша айында басталған егіс науқанын ерте қаржыландыруды ескерсек, бүгінгі таңда 3,4 млн га егіс алқабын қамти отырып, 206 млрд теңгеге 1,8 мыңнан астам АШТӨ қаржыландырылды. Жалпы, биыл кемінде 8 млн га егіс алқаптарын қамтуды жоспарлап отырмыз», — деп толықтырды Айдарбек Сапаров.