Қазақстанда киім өндірісі құндық мәнде он жыл қатарынан өсіп келеді: осы жылдың қаңтар-маусым айларында өндіріс көлемі 36,7 млрд теңгеге жетті, бұл 2023 жылдың сәйкес кезеңімен салыстырғанда 11,5%-ға көп (ИФО — 103,8%). Алдыңғы жылы өсім 18,6% (ИФО — 102%) құраған, деп хабарлайды aqshamnews.kz.
Өзіміздің өндіріс көлемінің өсуіне қарамастан, Қазақстандағы киім шығару көлемі сұранысты толық қанағаттандыру үшін жеткіліксіз болып отыр. Нарықтағы киімдердің басым көпшілігі шетелдік өндіріс болып табылады.
Мысалы, ағымдағы жылдың қаңтар-мамыр айларында трикотаждан жасалған сыртқы киімдердің жалпы ресурстарының 99,5%-ы импортқа тиесілі болса, трикотаждан басқа сыртқы киім сегментінде импорттың үлесі 99,4% құрады. Сондай-ақ, нәрестелерге арналған трикотаж киімдер мен аксессуарлар секторында импорттың үлесі 99,2%-ды құрады, бұл көрсеткіш свитерлер мен жемпірлер сегментінде де осындай.
Іш киімдердің импорттық үлесі 99%-ды, трикотаждан жасалған шұлық бұйымдарының импорт үлесі 94,7%-ды, ал спорттық костюмдердің импорттық үлесі 93,5%-ды құрайды.