Алматыда балалар үйінен кетіп қалған жеткіншектер іздестіріліп жатыр
17 қараша күні таңертең Алматыдағы №1 облыстық балалар үйінен Денис Щербинин мен Андрей Осокин есімді екі бала шығып, қайтып оралмаған, деп хабарлайды Almaty-akshamy.kz
Алматы полициясы бұл фактіні растады.
"Денис Щербинин, 2009 жылы туған.
Сипаттама: бойы 160 см, шашы қоңыр, көзі қоңыр. Ол үстіне жасыл спорт костюмін, аяғына көк сланцы киген.
Андрей Осокин, 2013 жылы туған.
Сипаттама: бойы 140 см, шашы қоңыр, көзі қоңыр. Үстінде жасыл күрте, аяғында қоңыр етік болған.
Ер балалар Алматы қаласының кез келген ауданына кетіп қалуы мүмкін.
Балаларды анықтау үшін арнайы іздестіру топтары құрылды", - деді Алматы полиция департаменті.
Ұлдардың балалар үйінен не себепті кеткені анықталып жатыр.
