Қазақстанда алдағы бес жылда табысты міндетті түрде декларациялау жүйесі толығымен жойылуы мүмкін.
Бұл туралы Мәжіліс кулуарында Қаржы вице-министрі Ержан Біржанов мәлімдеді, - деп хабарлайды Aqshamnews.kz.
Оның айтуынша, жаңа Салық кодексінде декларацияны алдын ала толтыру режимі қарастырылған. Бұл жүйе азаматтардың салық міндеттемелерін орындауын едәуір жеңілдетуге бағытталған.
"Егер біз бақылау-касса машиналары немесе басқа да дереккөздер арқылы айналымды көріп отырсақ, сол негізде декларацияны автоматты түрде толтыратын қызмет ұсынамыз. Жалпы, келесі бес жылда декларацияны азаматтардың өздері толтыруы қажеттілігі жойылады деп ойлаймын. Себебі қазір барлық мәлімет ашық. Төлемдерді де, кірістерді де көріп отырмыз, олар бізге жеткізіліп отырады. Басқа органдардан да ақпарат түседі. Сондықтан бұл жүйе тарихи тұрғыда маңызын жоғалтады", – деді вице-министр.