Мәжіліс бекіткен 2025-2027 жылдарға арналған республикалық бюджет бойынша келер жылдан бастап ең төменгі зейнетақы – 62 771 теңге мөлшерінде болады, - деп хабарлайды aqshamnews.kz.
Алдағы үш жылға арналған заңның 9-бабында көрсетілгендей, 2025 жылғы 1 қаңтардан бастап жалақының ең төмен мөлшерi – 85 000 теңге, мемлекеттік базалық мөлшері – 32 360 теңге, зейнетақының ең төмен мөлшерi – 62 771 теңге, айлық есептiк көрсеткiш – 3 932 теңге, ең төменгі күнкөрiс деңгейi шамасы – 46 228 теңге деп бекітілген.
"Жасына байланысты және еңбек сіңірген жылдары үшін зейнетақы төлемдеріне жұмсалатын қаражат 2025 жылғы 1 қаңтардан бастап 8,5 пайызға көтеру көзделген", - делінген құжатта.
Айта кетерлігі, облыстық және республикалық маңызы бар қалалар және астананың бюджетінде мектепке дейінгі білім беру ұйымдары педагогтері мен медицина қызметкерлерінің еңбегіне төленетін ақыны ұлғайту қарастырылып отыр. Сонымен қатар, құжатта облыс,аудан, ауылдағы денсаулық сақтау ұйымдары жұмыскерлерінің жалақысын көтеру туралы да айтылған.