Көкшетауда «кастет» суық қаруын заңсыз сақтаған азаматына қатысты үкім шығарылды, деп хабарлайды aqshamnews.kz.
Көкшетау қаласының тұрғыны интернеттен «кастет» сатып алып, оны полиция қызметкерлері ұстағанға дейін өзімен бірге алып жүрген. 2024 жылдың 17 желтоқсанында сот оны 90 сағаттық қоғамдық жұмыстарға соттады.
Сот үкімі заңды күшіне енген жоқ.
Қала прокуратурасы Қылмыстық кодекстің 287-бабына сәйкес суық қаруды заңсыз алып жүру немесе өткізу, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру үшін қылмыстық жауаптылықтың көзделгенін ескертеді.