Ақтауда үрмелі матраспен теңіз ортасына ағып кеткен үш қыз бір түннен кейін табылды.
Бұл туралы Маңғыстау облыстық Төтенше жағдайлар департаментінің баспасөз қызметінен мәлім етті, деп хабарлайды Almaty-akshamy.kz.
«Бүгін таңғы сағат 6 шамасында «Қазтеңізкөлікфлоты» ЖШС «Сұңқар» кемесінің экипажы теңіз жағалауынан 22 шақырым қашықтықта 3 қызды құтқарды», - делінген баспасөз мәліметінде.
Қыздардың денсаулық жағдайы тұрақты, оларға медициналық көмек көрсетілген.
Естеріңізге сала кетейік, бұған дейін Каспий теңізінде үрмелі матрасқа мінген үш қыздың тікұшақпен іздестіріліп жатқанын хабарлаған болатынбыз.