Бурабайда өтіп жатқан Ұлттық құрылтайда Мемлекет басшысы Қасым-Жомарт Тоқаев кәсіби техникалық колледждердің жаңа мамандықтарға сұранысты және еңбек нарығындағы жағдайды ескеріп жұмыс істеуі қажеттігін атап өтті, деп хабарлайды aqshamnews.kz
«Дмитрий Павленко дұрыс мәселе көтерді. Кәсіби техникалық колледждер жаңа мамандықтарға сұранысты және еңбек нарығындағы жағдайды ескеруге тиіс», – деді Президент.
Қасым-Жомарт Тоқаев сарапшылардың пікіріне сілтеме жасап, алдағы жылдары солтүстіктегі халықтың саны едәуір азайып, оңтүстіктегі тұрғындар әлдеқайда көбеюі мүмкін екенін айтты.
«Бұл – өте өзекті мәселе. Себебі аймақтардың еңбек нарығында теңсіздік одан әрі ушыға түседі деген сөз», – деді Мемлекет басшысы.
Президент осы мәселені Үкіметтің мұқият қарауы керек екенін атап өтіп, Қостанайдағы колледждің тәжірибесін солтүстік аймақтарда кеңінен қолдануды ұсынды.