Аталған шара «France Football» журналының ұйымдастыруымен өткізіліп келеді
Футболдан 2022 жылғы «Алтын доп» иегері анықталды, деп хабарлайды Almaty-akshamy.kz ҚазАқпаратқа сілтеме жасап.
Бұл атаққа биыл Испанияның «Реал Мадрид» және Франция құрамасының шабуылшысы Карим Бензема қол жеткізді.
Аталған шара «France Football» журналының ұйымдастыруымен өткізіліп келеді.
Мұндай марапатқа ие болу үшін футболшылардың 2021 жылғы 31 тамыз және 2022 жылғы 31 тамыз аралығындағы табыстары назарға алынып отыр. Үздік ойыншыны анықтауға FIFA рейтингі бойынша алғашқы 100 орында тұрған елдердің журналистері дауыс беруге мүмкіндік алды.
Қазірге дейін Йохан Кройф, Мишель Платини, Марко ван Бастен, Криштиану Роналду, Лионель Месси секілді үздік ойыншылар мұндай мәртебеге үш рет ие болды. Ал марапатқа 2 рет қол жеткізген жұлдыздар қатарында Альфредо ди Стефано, Франц Беккенбауэр, Кевин Киган, Карл-Хайнц Румменигге, Роналдо бар.
Сондай-ақ, салтанатты шара барысында әйелдер арасындағы «Алтын допқа» испаниялық «Барселона» сапынан Алексия Путельяс лайықты деп танылды.
Ал Испания құрамасы мен «Барселона» ойыншысы Гави 21 жасқа дейінгі үздік жас футболшы атанды.
Ал Лев Яшин атындағы «Үздік қақпашы» номинациясына «Реал Мадрид» және Бельгия құрамасының қақпашысы Тибо Куртуа ие болды.
Еске салсақ, 2021 жылы Лионель Месси «Алтын доп» иегері атанған болатын.