Қазақстан Республикасының Денсаулық сақтау министрлігі 15 қыркүйектен бастап елде жалпыға бірдей маска тағу режимі мен карантин енгізілетіні туралы интернетте тараған ақпаратқа түсініктеме берді, деп хабарлайды aqshamnews.kz
Ведомствоның мәлімдемесіне сәйкес, бұл қауесеттер шындыққа сәйкес келмейді.
«Қазақстан Республикасының Бас мемлекеттік санитарлық дәрігерінің міндетін атқарушының қаулысына сәйкес, эпидемиялық маусым кезеңінде профилактикалық және эпидемияға қарсы іс-шараларды жүргізу көзделген. 2024 жылдың 15 қыркүйегінен бастап тұмауға қарсы вакцинация басталады. Маска режимі тек медициналық ұйымдардың қызметкерлері үшін енгізіледі,» — деп атап өтті министрлік.
Министрлік коронавирус жағдайы елде толық бақылауда екенін мәлімдеді.
Сонымен қатар, министрлік маска режимі туралы жалған ақпарат таратушыларға қатысты құқық қорғау органдарына жүгінгенін хабарлады. Тамыз айының ортасында маска режимін енгізу жоспарланбағаны туралы хабарланған болатын.