Дженни Кариньян G20 елдерінің бірінің әскерін басқарған алғашқы әйел генерал атанды.
Канада Қарулы күштерінің бас қолбасшысы қызметіне ел тарихында тұңғыш рет әйел адам тағайындалды, деп хабарлайды Almaty-akshamy.kz
Дженни Кариньянның әскер саласында жинаған айтарлықтай тәжірибесі бар. Ол Канада Қарулы күштеріндегі ұрыс бөлімшесін басқарған алғашқы әйел болды. Қызмет барысында Ирак, Ауғанстан, Сирия және Босния сияқты елдерде тапсырмалар орындаған. Соңғы үш жыл бойы ол 2021 жылы әскердегі жыныстық қудалау жанжалынан кейін құрылған Армияның кәсіби мінез-құлық және мәдениет басқармасының бастығы қызметін атқарды.
Канаданың премьер-министрі Джастин Трюдо бұл күнді тарихи деп сипаттап, Дженни Кариньянды тек канадалықтарға ғана емес, бүкіл әлемге үлгі болып отыр деп атап өтті. Кариньянның тағайындалуы Канаданың әскердегі гендерлік теңдікті ілгерілету жөніндегі міндеттемесін және жоғары әскери лауазымдағы әйелдер рөлінің маңыздылығын көрсетеді.