Салық 3,8 трлн теңгеге артық жиналған.
Үстіміздегі жылдың 11 айында қазынаға 13,5 трлн теңге салық түскен. Бұл туралы Орталық коммуникациялар қызметінде өткен брифингте Қаржы министрлігі Мемлекеттік кірістер комитетінің төрағасы Данияр Жанәлінов мәлімдеді, деп хабарлайды Almaty-akshamy.kz ҚазАқпаратқа сілтеме жасап.
«Биыл салық түсімі бойынша жылды жақсы көрсеткішпен аяқтап жатырмыз. 2022 жылы 11 айдың қорытындысы бойынша мемлекет қазынасына 13,5 трлн теңге салық түсті. Жоспар 103,1 пайызға орындалып отыр, яғни былтырмен салыстырғанда 1,4 есе артық. Нақты айтқанда, былтырға қарағанда 3,8 трлн теңге салық артығымен түсіп отыр», - деді Данияр Жанәлінов.