Ұрланған көліктердің 775-і табылған.
Мұндай деректерді ҚР ІІМ Криминалдық полиция департаментінің аға жедел уәкілі Құдияр Нұрсейітов келтірді, деп хабарлайды Almaty-akshamy.kz.
«Ең жиі ұрланатын көліктерге келсек, бұл жерде Toyota, Lexus көліктері жиі ұрланатынын айтуға болады. Биыл 60-тан астам көлікке іздеу жарияланды. Оның 85 %-ы табылып, иелеріне қайтарылды», - деді ол.
Оның сөзіне қарағанда, ТМД елдерінің арасында ұрланған көліктерді бір-біріне қайтару бойынша тығыз байланыс бар.
«Бірлескен жұмыстардың арқасында кейінгі 5 жылда ТМД елдерінан Қазақстанда ұрланған 50-ден астам автокөлік табылды.
Ал біздің елден Достастық мемлекеттерінің аумағында ұрланған 200-ге жуық автокөлік іздестірілді.
Жыл басынан бері 909 көлік ұрланса, олардың 775-і табылып, заңды иелеріне қайтарылды.
Осындай қылмыстарды жасаған 19 қылмыстық топ ұсталды. Қазір олардың халықаралық байланыстары тексеріліп жатыр», - деді жедел уәкіл.