Жыл басынан бері мемлекеттік еңбек инспекторлары 11,9 мыңнан астам жұмыскердің құқығын қорғады, деп хабарлайды Аlmaty-akshamy.kz Еңбек министрлігіне сілтеме жасап.
Осы жылғы 1 тамыздағы жағдай бойынша, мемлекеттік еңбек инспекторлары республиканың 568 кәсіпорнында 14,2 мың жұмыскерге жалақы бойынша 3 млрд 223,9 млн теңгеден астам берешекті анықтады.
Кәсіпорындардың басшыларына міндетті 505 нұсқама беріліп, 85,5 млн теңгеден астам сомаға айыппұл салынды.
Қабылданған шаралар, соның ішінде жалақы бойынша берешекті өтеудің қатаң кестелері мен мерзімдерін белгілеу нәтижесінде 11,9 мыңнан астам жұмыскердің құқығы қорғалды. Оларға 2 млрд 850 млн теңге төленді.