Бұл марапатқа лайықтыларды анықтау мемлекеттік органдар арасында жүргізілді.
ҚР СІМ баспасөз қызметі Қазақстандағы ең үздігі деп қайта танылды, деп хабарлайды Almaty-akshamy.kz.
Бүгін «Astana Media Week» аясында журналистер арасындағы дауыс беру нәтижесі бойынша еліміздің сыртқы саясат ведомствосының баспасөз қызметі «Мемлекеттік органдар арасындағы ең үздік баспасөз қызметі» аталымында тағы да үздік деп танылды.
Аталған марапатты ҚР Мәдениет және ақпарат министрлігі ақпарат және қоғаммен байланыс саласындағы нәтижелі жұмыс, сонымен қатар, стратегиялық коммуникацияларды кәсіби тұрғыда қалыптастырғаны үшін ұсынды.
Сыртқы істер министрлігінің баспасөз қызметі бұл аталымда осымен төртінші рет үздік деп танылып отыр - 2017, 2018, 2022 және 2023 жылдары осы награданы иеленді.