Әлеуметтік желіде автобус жүргізушілеріне тап берген екі видео тарады. Оның бірі Астанада орын алса, екіншісі Ақтауда өрбіген, деп хабарлайды аlmaty-akshamy.kz.
Астанада келе жатқан автобустың алдын кесіп тоқтаған КИА көлігінің жүргізушісі автобустың жүргізушісіне келген. Содан кейін қолындағы бұрыш спрейімен жүргізушінің бетіне шашып, өзі оқиға орнынан қашып кеткен. Араға уақыттар салып ол ұсталды. Бұзақылық үшін 10 күнге қамауға алынды.
Ал Ақтауда орын алған оқиғада жолаушы еш себепсіз жүргізушіні ұруға талпынады. Сол кезде қоғамдық көлік ішіндегі адамдар оны тоқтатпақ болған. Дегенмен жүргізушіге ұмтылған жолаушы қол жұмсап үлгерді. Жолаушыдан таяқ жеген жүргізуші де есе алу мақсатында көлікті тоқтата салып жүгіреді. Осы кезде жолаушы сыртқа қашып үлгерген.