«Азаматтарға арналған үкімет» мемлекеттік корпорациясының Алматы қалалық филиалы жүргізуші куәлігін қалпына келтіру үшін мамандандырылған халыққа қызмет көрсету орталығына (арнайы ХҚКО) хабарласу керек екенін, онда өтініш беруші белгіленген нысан бойынша өтініш толтыруы қажет екенін атап өтті, деп хабарлайды aqshamnews.kz
Жеке куәлік пен 1,25 АЕК (2025 жылға 4921 теңге) мемлекеттік бажды төлегені туралы түбіртекті ала барасыз.
Жүргізуші куәлігінің телнұсқасы 90 минут ішінде жасалып, ескі куәлік автоматты түрде жарамсыз деп танылатыны көрсетілген.
073/у нысанындағы медициналық анықтама лицензияның қолданылу мерзімі өтіп кеткен жағдайда ғана ұсынылады. Бұл жағдайда медициналық тексеру нәтижелері автоматты түрде ақпараттық жүйеге енгізілетіндіктен, оны қағаз түрінде әкелудің қажеті жоқ. Сондай-ақ жүйке-психиатриялық және наркомания диспансерлерінің анықтамаларын ұсыну қажет емес.
Филиал жүргізуші куәлігін жоғалтқан, жарамдылық мерзімі өткен, жеке деректерін өзгерткен, құжаты бүлінген немесе жаңа жүргізуші санаты қосылған жағдайда жаңа жүргізуші куәлігін алуға өтініш беруге болатынын еске салды.
Бұл ретте мамандар ауыстыруды соңғы күнге қалдырмай, өтінішті жарамдылық мерзімінен 1-2 ай бұрын тапсыруды ұсынады.