Жолдауға үн қосу.
Мемлекет басшысының Қазақстан халқына арнаған Жолдауын жұртшылық кеңінен талқылап, оң көзқарастарын білдіруде, деп хабарлайды Almaty-akshamy.kz.
«Біз қазір ұрпағымызға қазір қандай бағыт-бағдар береміз, не айтамыз деп адасып жүрген жұрт едік. Қазір, міне, біздің немерелеріміз, шөберелеріміз Ұлттық қордан аударған жәрдемақы беріледі, есепшот ашылады деген дүние жұртты қуантты. Экономикалық басқару жағындағы тәртіпсіздік, келеңсіздік дегендердің бәріне нүкте қойып отыр. Кедендегі тәртіпсіздік, орта-шағын бизнестегі тәртіпсіздік, әсіресе, мынау тексеріс деген дүние, жүйесіздік - осының барлығына үлкен бағыт-бағдар көрсетіп, бірыңғай экономикалық жүйені қалыптастырып, үлкен негізін қалады десе болады. Жолдаудың мәні - елдің ауқатын көтеруге бағытталып, Қазақстан халқының экономикалық жағынан өсіп-өркендеуі үшін үлкен бір басты бағыт болды», - дейді Халықаралық «Алаш» әдеби сыйлығының лауреаты Ғалым Қалибекұлы.