Жолдау ертеңге деген үмітімізді қайта оятты. Себебі елімізде көпбалалы аналар проблемасы, олардың жан айқайы естіліп жатады. Қазіргі аналардың бала бір жарым жасқа толғанға дейін бала күтімінде отыруы, соған байланысты балаларға бөлінетін қаражат сияқты көптеген мәселелердің шешімі бәрін оңтайлы жолға қояды.
Біз білім беру саласында, әсіресе маман даярлау саласында еңбек етіп жүргендіктен құр сөзбен шектелмей, ел Президенті қозғаған мәселені шешуге өзіміз де атсалысуымыз керек.
Қазір университеттерде бірқатар өзгеріс орын алуда. Біраз стратегиялық бағдарлама жолға қойылып қолға алынуда. Дегенмен осы елдің патриоты ретінде Жолдауда айтылған барлық мәселе жүзеге асса екен деп тілейміз.