Автомобиль жолдары комитетіне қарасты Жол активтерінің ұлттық сапа орталығы зертхана мамандарының кәсіби дайындығын едәуір жақсартуға арналған жаңа цифрлық жоба – білім беруге арналған виртуалды тренажерді ұсынады, деп хабарлайды Almaty-akshamy.kz Көлік министрлігіне сілтеме жасап.
Виртуалды зертхана оқыту модульдерін қамтиды және аналитикалық әрі статистикалық мәліметтермен қамтамасыз етеді. Тренажердің басты ерекшелігі – сынақ барысы туралы жиынтық және толық ақпарат беретін есептердің терең құрылымының әзірленуі. Барлық есеп Ұлттық сапа орталығының корпоративтік порталында сақталады.
Қазіргі уақытта Жол активтерінің ұлттық сапа орталығының цифрландыру бойынша жұмыс тобы оқытудың жаңа деңгейлерін әзірлеу үстінде. Аталған жұмыстар жолға шығу, сынамаларды алу, жол белгілерін зерделеу және материалдардың сапасын тексеру кезеңдерін қамтитын.
Биыл тренажерді Ұлттық сапа орталығы филиалдарының сынақ зертханаларында пилоттық режимде іске қосу жоспарланып отыр.
Жол активтерінің сапа орталығы білім беруге арналған виртуалды тренажерді көпшілік назарына ұсынды
