Қазақстан азаматы Қайыргелді Смағұловтың Назарбаевтың активтері мен мүлкін мемлекет пайдасына тәркілеу туралы талабын қарастыру жөніндегі өтінішін Жоғарғы Соттың кассациялық коллегиясы қараудан бас тартты, деп хабарлайды aqshamnews.kz
«Өтініштің негіздемелерін зерттеп шыққан судья, сот актілерін қайта қарауға негіз жоқ деп есептейді», - делінген Жоғарғы Соттың қаулысында.
Бұл Смағұловтың экс-президент Назарбаевтың мүлкін мемлекетке тәркілеу туралы сот тәртібімен үшінші рет жасаған әрекеті еді. Ол Назарбаевтың президенттік қызметте жасаған әрекеттері бүкіл адамзаттың өміріне қауіп төндірді деп санайды.
Бұған дейін Астананың азаматтық істер жөніндегі ауданаралық соты, сондай-ақ, қалалық сот оның талабын қабылдамаған болатын.