Бұқаралық, отбасылық, еске алу іс-шараларын өткізуге тыйым салынады.
Алматы облысында коронавирус бойынша эпидемиологиялық жағдай нашарлап отыр. Бұл жайында Алматы облысының санитарлық-эпидемиологиялық бақылау департаменті басшысының орынбасары Асхат Чарапиев брифинг барысында айтты, деп хабарлайды Almaty-akshamy.kz.
Облыс бойынша КВИ өсу қарқыны соңғы 2 аптада 0,7%-дан 0,9% дейін артты.
Эпидемиологиялық матрицаның бағалауы бойынша, Алакөл, Талғар, Балқаш, Еңбекшіқазақ, Панфилов, Сарқан және Текелі, Талдықорған қалалары «қызыл» аймақта, Іле, Қаратал, Жамбыл, Қарасай, Кербұлақ, Көксу, Ұйғыр және Ақсу аудандары «сары» аймақта, ал қалған қалалар мен аудандар «жасыл» аймақта орналасқан.
«Демалыс күндері локдаун жарияланады. Балалар мен ересектерге арналған білім орталықтарының, ашық және жабық базарлардың (азық-түлік және азық-түлік сатпайтын) қоғамдық тамақтану нысандарының, жазғы алаңдардың, сауда үйлері мен қоғамдық көліктің (елді мекендер ішінде) банктердің, ХҚО-лардың, «Қазпошта» АҚ бөлімшелерінің, діни нысандардың, СПА-орталықтардың, бассейндердің, спорт кешендерінің, спорттық-сауықтыру орталықтарының, фитнес-орталықтардың, казинолардың қызметіне және ойын-сауық, бұқаралық, отбасылық, еске алу іс-шараларын өткізуге тыйым салынады», - деді Асхат Чарапиев.