Іс бойынша күдікті ретінде мердігер ұйымның директоры және құрылысқа техникалық қадағалау жасаған компания қызметкерлері танылды, деп хабарлайды aqshamnews.kz
Қаржы мониторингі агенттігінің мәліметінше, 2021 жылы тапсырыс беруші мен мердігер ұйым арасында жалпы сомасы 1,7 млрд теңгеге екі көпқабатты тұрғын үй салуға келісімшарттар жасалған. Алайда қол қойылған орындалған жұмыстар актілеріне қарамастан, бірқатар құрылыс-монтаж жұмыстары іс жүзінде атқарылмаған.
Жоспарланған тоғыз қабаттың тек жетеуі ғана тұрғызылған. Мемлекетке келтірілген шығын 152 млн теңгеден асқан.
Сот санкциясымен құрылысшы компанияның мүлкіне тыйым салынды.