Алматының Жетісу ауданында жыл басынан бері 19 шақырым жол жөнделді. Бұл туралы Алматы өңірлік коммуникациялар қызметінің онлайн брифингінде Жетісу ауданының әкімі Гүлнар Көкебаева мәлімдеді, деп хабарлайды Аlmaty-akshamy.kz.
Төрт жерде ұзындығы 2,6 шақырым тротуарлар жөнделді, 27 мекенжай бойынша жалпы ұзындығы 4,4 шақырымды құрайтын арық желілеріне жөндеу жұмыстары жүргізіліп жатыр.
Әкімдік аумағында қасбетті жақсарту жұмыстарының қарқын алуда. 7700 ағашты санитарлық кесу және 2100 дана көлемінде пішінді кесу жұмыстары жүргізілді. Аудан әкімдігінің қызметкерлері, еріктілер мен жастар қатысқан 25 сенбіліктің нәтижесінде 528 текше метр қоқыс шығарылды.
Гүлнар Көкебаева ауданда Қазыбаев – Рысқұлов – Тәтібеков – Райымбек және Сейфуллин - Солтүстік айналым – Рысқұлов – Боралдай көшелерінің квадратында сумен жабдықтау және судан бұру желілерін төсеу жұмыстары аяқталатынын хабарлады.
Сонымен қатар, Кемел шағынауданы мен Паладин, Павлодар, Бурундайская көшелері және Рысқұлов – Тәтібеков – Райымбек – Кудерин көшелерінің квадратында электрмен жабдықтау желілерін реконструкциялау жұмыстары жүргізілуде. Жұмыстарды аяқтаудың жоспарланған мерзімі – 2022 жылдың 4-ші тоқсаны.