Ауданда сапалы жол-көлік инфрақұрылымымен қамтамасыз ету бойынша алдын ала қорытындылар осындай. Жолдарды жөндеу туралы ақпаратты БАҚ өкілдері мен халыққа Жетісу ауданының әкімі Гүлнар Көкебаева жеткізді, - деп хабарлайды Алматының ӨКҚ.
2023 жылы ұзындығы 21,4 км болатын 17 көшедегі жолдарға орташа жөндеу жүргізілді, қазіргі уақытта Стадионная және Әбдіров көшелерінде жөндеу жұмыстары жүргізілуде. Сонымен қатар, ұзындығы 6,7 км 11 мекенжайда тротуарлар салынды және жөнделді.
Биыл 10 жерасты жаяу жүргіншілер өткеліне ағымдағы жөндеу жүргізілді. (Райымбек даңғылы («Мерей» СҮ жанында), Райымбек даңғылы («Монша» аялдамасы), Рысқұлов даңғылы, Крылов көшесінің қиылысы, Рысқұлов даңғылы, Күдерин көшесінің қиылысы, Рысқұлов даңғылының 4 қиылысы, Жансүгіров көшесінің қиылысы, Солтүстік айналым көшесінің «Алатау» базары, Солтүстік айналым көшесінің «Сәлем» базары).
Тас төсеуіштер мен тактильді плиталар ішінара ауыстырылды, төбелерге софиттер, вандалдарға қарсы жарықтандыру құрылғылары, музыкалық жабдықтар және бейнебақылау жүйесі орнатылды.
Сондай-ақ, әкімдік Солтүстік айналымда 5 жер үсті өткеліне ағымдағы жөндеу жүргізді («Байсат» СҮ базарының алдындағы Солтүстік жартылай айналым көшесі, «Ялян» базарының алдындағы Солтүстік жартылай айналым көшесі, «Рахат» базарының алдындағы Солтүстік жартылай айналым көшесі, Олжа базарының алдындағы Солтүстік жартылай айналым көшесі, «Барыс» базарының алдындағы Солтүстік жарты айналым көшесі).
Металл конструкцияларын сырлау, бейнебақылау камераларын орнату және жарықтандыруды орнату жүргізілді.
Гүлнар Көкебаева инженерлік желілерді салу жұмыстарына да тоқталды. Ағымдағы жылы кейбір функцияларды аудан әкімдіктеріне тапсырғаннан кейін ұзындығы 150 шақырым 95 көшеде инженерлік желілер салу бойынша жобалар іске асырылуда. Ағымдағы жылы ұзындығы 15 шақырым, 23 көше бойынша, 2024 жылы ұзындығы 67,5 шақырым болатын 35 көшедегі жұмыстар жұмыс көлемін аяқтау жоспарланып отыр.