Қар тазалауға 129 техника жұмылдырылды.
Жеті мыңнан астам теміржолшы жолдарды қардан тазартты, деп хабарлайды Almaty-akshamy.kz.
Бұл туралы «Қазақстан темір жолы» ҰК» АҚ баспасөз қызметі хабарлады.
«Ауа райының қолайсыздығына байланысты пойыздар қауіпсіздігін қамтамасыз ету үшін кейбір теміржол учаскелерінде қозғалыс жылдамдығына шектеулер қойылды. Осыған байланысты пойыздардың қозғалыс кестесіне өзгерістер енгізілді. Теміржолшылар күрделі метеожағдайларда тұрақты тасымалдау процесін ұйымдастыруға барынша күш салуда. Жауған қалың қарға байланысты темір жолдарын, бағыттамалық бұрмаларды, жолаушылар платформаларын тазарту бойынша үздіксіз жұмыстар жүргізіліп жатыр», - деп жазылған хабарламада.
Үш күн ішінде теміржол желісінде тәулік бойы 7 мыңнан астам теміржолшы жұмыс істеді. Арнайы қар аршитын техниканың 129 бірлігі жұмылдырылды.
Негізгі іс-шаралар Қарағанды, Қостанай, Семей бөлімшелері аумағындағы магистральдық желілерде өткізілді.