2023 жылғы 16 наурызда өткен Түркі мемлекеттері ұйымының кезектен тыс саммитінде Өзбекстан президенті Шавкат Мирзиёев табиғи апаттар кезінде әрекет ететін мамандандырылған халықаралық құрылымдармен ынтымақтастықты күшейту қажеттігіне баса назар аударған еді.
Саммит барысында ол жер сілкінісі құрбандарын еске алу және табиғи апаттарға қарсы халықаралық күш біріктірудің маңыздылығын атап өтіп, Еске алу және ынтымақтастық күнін белгілеуді ұсынды, деп хабарлайды aqshamnews.kz.
Аталған бастама 2025 жылы өз нәтижесін берді. 29 сәуірде Нью-Йорктегі Біріккен Ұлттар Ұйымының штаб-пәтерінде БҰҰ Бас Ассамблеясы Өзбекстанның ұсынысымен 29 сәуірді Халықаралық жер сілкінісі құрбандарын еске алу күні деп жариялау жөніндегі қарарды қабылдады. Қарарды әлемнің әр түкпірінен 80-нен астам мемлекет бірлесіп қолдады.
Бұл күн алғаш рет 2026 жылдың 29 сәуірінде аталып өтеді. Таңдалған дата — 1966 жылы Ташкентте болған жойқын жер сілкінісінің 60 жылдығымен сәйкес келеді.