«Қазақстан Республикасының минералдық шикізатты кешенді қайта өңдеу жөніндегі ұлттық орталығы» ШЖҚ РМК «Д.А. Қонаев атындағы тау-кен істері институты» филиалының ғалымдары жер асты жарылыстарын тікелей жер бетінен бақылаудың заманауи жүйесін әзірлеп, өнеркәсіптік пайдалануға енгізді, деп хабарлайды aqshamnews.kz.
Жаңа жүйенің басты артықшылығы – қауіпсіздікті түбегейлі арттыру. Операторлар жер астындағы жарылғыш зарядтарды жер бетіндегі қауіпсіз жерден жару процесін бастайды. Арнайы датчиктер зарядтардың жарылу фактісін тіркеп, жарылыс туралы объективті мәліметтер береді.
«Восход» кенішінде процестерді автоматтандыру және қашықтан басқару арқылы өнеркәсіптік процестердің қауіпсіздігі мен тиімділігін арттыруға кепілдік беретін жерасты жарылысты басқару жүйесі енгізілді.