Белсенді азаматтар сыбайлас жемқорлыққа қарсы ағартуға қатыса алады.
Сыбайлас жемқорлыққа қарсы іс-қимыл агенттігі азаматтарды сыбайлас жемқорлыққа қарсы ағарту жөніндегі іс-шараларға белсенді қатысуға шақырады, деп хабарлайды Almaty-akshamy.kz.
Мемлекет басшысы өзінің «Халық бірлігі және жүйелі реформалар – ел өркендеуінің берік негізі» атты Жолдауында сыбайлас жемқорлықпен тиімді күресті жалғастыруға шақырды. Бұл – бүкіл халықтың ортақ міндеті.
Қазақстан Республикасы сыбайлас жемқорлыққа қарсы іс-қимыл агенттігі азаматтарды сыбайлас жемқорлыққа қарсы ағарту жөніндегі іс-шараларға белсенді қатысуға шақырады.
Барлық өңірлерде парасаттылық мәдениетін ілгерілету жөніндегі кешенді жоспарлар іске асырылуда, оның шеңберінде білім беру, мемлекеттік қызмет, бизнес, мәдениет және дін бағыттары бойынша сарапшылар мен лекторлар пулдары құрылуда.
Олар сыбайлас жемқорлыққа қарсы саясатты түсіндіру және азаматтардың ұсыныстарын жинау бойынша түрлі форматтағы 400-ден астам іс-шара өткізді.
Олардың ішінде «Адалдық сағаты» акциясы аясында сыбайлас жемқорлыққа қарсы бейне-дәрістер шығару, TEDx форматында белсенді жастармен және мемлекеттік қызметшілермен кездесулер өткізу.
Сондай-ақ, «Adal kómek» волонтерлік қозғалысы шеңберінде сыбайлас жемқорлықпен байланысты мәселелер бойынша тегін заң консультациясын беру және алу мүмкіндігі берілді.
Азаматтар Агенттіктің аумақтық департаменттеріне жүгіну арқылы қоғамның сыбайлас жемқорлыққа қарсы ағартуына қатысуға дайын екендіктерін білдіре алады.