Ескі көліктерді қайта өңдеуге қабылдау желтоқсанның ортасында басталады, деп хабарлайды aqshamnews.kz экология министрлігіне сілтеме жасап.
Өтінімдер «Жасыл Даму» АҚ порталы арқылы қабылданады. Көлік иелері көліктерін тасымалдаушыға сату немесе қабылдау пунктіне өз бетімен тапсыра алады. Утилизация үшін жеңілдік сертификаты немесе ақшалай сыйақы беріледі.
Сертификат сомасы жеңіл көліктер үшін 315 000 теңгеден басталады. Толық ереже жақын арада жарияланады.
Экология министрлігінің Қалдықтарды басқару департаментінің мәліметінше, ескі автомобильді тапсырғаны үшін көлік иелеріне отандық көлік сатып алу үшін жеңілдік сертификаты немесе ақшалай тең сома беріледі.
Төлем мөлшері мынадай:
Жеңіл көлік — 315 000 теңге;
Микроавтобус — 550 000 теңге;
Автобус — 750 000 теңге;
12 тоннаға дейінгі жүк көлігі — 550 000 теңге;
Ауыр жүк көліктері — 750 000 теңге;
Трактор — 560 000 теңгеден 1 млн теңгеге дейін;
Комбайн — 1.5–2 млн теңге.