Желіде кісі қолынан жарақат алған Шымкент қаласы әкімінің орынбасары Руслан Берденовтың аурухана палатасында жатқан суреті пайда болды, - деп хабарлайды Aqshamnews.kz тілшісі Tengrinews.kz-ке сілтеме жасап.
Facebook желісінде Руслан Берденовпен түскен суретті кәсіпкер Марғұлан Сейсембай жариялады. Суретте қару оғынан аман қалған шенеунік аурухана төсегінде жатыр, оң қолы таңылған.
Еске салайық, 21 сәуір күні кешке Руслан Берденовке қалалық әкімдік ғимаратының маңында қастандық жасалған болатын. Шенеунік жараланып, ауруханаға жеткізілді. Қазір ол ауруханада жатыр, оған медициналық көмек көрсетіліп жатыр. Күдікті қамауға алынып, қылмыстық іс қозғалды.