Бүгін еліміздің кейбір өңірлерінде ауа райы құбылмалы болады. Жаңбыр жауып, найзағай ойнайды деп күтілуде. Әсіресе, еліміздің солтүстік және шығыс аймақтарында қатты жауын-шашын болуы мүмкін деп болжанып отыр. Ал оңтүстік аймақтарда күн ашық және жылылық әліде сақталады. Синоптиктердің мәліметіне сүйенсек, кей жерлерде желдің жылдамдығы күшейіп, тұман түсуі мүмкін, деп хабарлайды aqshamnews.kz.
Алматы облысының батысында, солтүстігінде жоғары өрт қауіпі сақталады. Жетісу облысында солтүстік-шығыстан жел соғады, облыстың Алакөл көлдері ауданында екпіні 15-20 м/с жел күтілуде. Жамбыл облысының таулы аудандарында күндіз найзағай ойнап, бұршақ, дауыл күтіледі. Ақмола, Солтүстік Қазақстан, Қостанай, Абай, Шығыс Қазақстан облыстарында тұман түсуі ықтимал. Түркістан, Қызылода облыстарында дауыл соғуы мүмкін деп болжанып отыр. Ал еліміздің батысында жоғары өрт қауіпі сақталады.