Кәсіпкерлердің басым бөлігі - Алматы жастары.
Экономика министрлігінің мәліметінше, жас кәсіпкерлердің шамамен 9%-ы - кәсіпорын иелері, ал 91%-ы - жеке кәсіпкерлер, деп хабарлайды Almaty-akshamy.kz Egemen.kz-ке cілтеме жасап.
2022 жылдың соңында Қазақстанда 30 жасқа дейінгі жастардың басшылығымен 400 мыңға жуық бизнес субъектісі жұмыс істеді. Сол жылы «Даму» қорының көмегімен жас кәсіпкерлерге жалпы сомасы 61,3 млрд теңгені құрайтын 3 827 жобаға қолдау көрсетілді.
Жас кәсіпкерлер мен іскер әйелдер арасында сауда саласы ерекше танымал (41,9%). Заңды тұлғалар мәртебесіндегі кәсіпкерлер ЖК-ге қарағанда (тиісінше 2,3% және 1,9%) құрылыспен (15,9%) және кәсіби, ғылыми, техникалық қызметпен (5,9%) айналысады.
Жас кәсіпкерлердің басым бөлігі Алматы (16,7%) мен Астанада (11,4%) тұрады. Халық тығыз қоныстанған Түркістан облысында жасы 30-ға дейінгі жеке кәсіпкерлер бизнес иелерінің 10%-дан астамын құрайды.