Алматы қаласының ҚАЖ департаментіне қарасты №11 мекемесінде жазасын өтеп жатқан жасөспірімдер үшін 30 тамыз – Қазақстан Республикасының Конституциясы күніне орай «Ата заң – елімнің қорғаны» атты мәдени іс-шара өтті.
Оған Жамбыл атындағы қалалық жасөспірмдер кітапханасының көпшілік іс-шараларды ұйымдастыру бөлімінің басшысы Роза Сұлтанғазықызы және оқырмандар залы бөлімінің қызметкерлері Фариза Қадырғали мен Айтолқын Рақым мұрындық болды.
Мәдени іс-шараның мақсаты – жазалы жасөспірімдерге Ата заң жөнінде мәлімет беру, олардың заң алдындағы жауапкершілігін арттыру, олардың бас бостандығынан айырылса да өздерінің қоғамға керек азамат екенін сезінуге, түзелуіне көмектесу.
Кітапхана қызметкері Фариза Қадырғали Конституция туралы баяндамасын оқып, тарихтан бастап қазіргі күнге дейінгі қолданыстағы заңдарға толық түсініктеме берді.
Жазалы жасөпірімдер Конституция күні құрметіне екі тілде өлең оқыды.
Ал Айтолқын Рақым жасөспірімдермен елдер мен жерлер туралы қызықты мәліметтер негізінде Quiz интеллектуалды ойынын өткізді. Жамбыл атындағы жасөспірімдер кітапханасының қызметкерлері дайындаған жаңа кітаптар көрмесі де бозбалаларға ұнады.
№11 мекеменің Сотталғандар арасындағы әлеуметтік-психологиялық тәрбие жұмысы бөлімі бастығы әділет подполковнигі Алма Қойшыбайқызы кітапхана қызметкерлеріне осынау тәрбиелік мәні үлкен іс-шара үшін алғысын білдірді.