АЭС салуды қолдау жөніндегі Халықтық штабтың жұмысы Батыс Қазақстан облысында жалғасын тапты. Штаб мүшелері өңірдің этномәдени бірлестіктері, волонтерлер, белсенді азаматтар және түрлі еңбек ұжымдарымен бірқатар кездесулер өткізді.
Орал қаласындағы «Достық» үйінде өткен кездесуде этномәдени бірлестіктердің өкілдерімен жүздесу ұйымдастырылды. Кездесу барысында штаб өкілдері атом энергетикасын пайдаланудағы дамыған елдердің тәжірибесін және АЭС-тың қауіпсіздігі мен тиімділігі жайлы жан-жақты ақпарат берді. Жиналған қауым еліміздің болашағын анықтайтын бұл маңызды референдумға әр қазақстандықтың қатысуы қажеттігін атап өтті. Бұл қадам арқылы Қазақстанда жаңа саяси мәдениет қалыптасатынына сенім білдірілді.
Сол күні Халықтық штабтың белсенді жастары облыстың заманауи әлемдік трендтеріне сүйене отырып, елімізде бейбіт атомды дамыту бағытында жасалып жатқан жұмыстармен танысты. Жастарға АЭС құрылысы жаңа мүмкіндіктер беретінін атап өтті, оның ішінде білікті мамандар үшін жақсы жалақысы бар ондаған мың жаңа жұмыс орындарының ашылатынына баса назар аударылды. Осы мақсатта болашақта атом энергетикасын дамыту бойынша мемлекеттік бағдарламаның аясында арнайы кадрларды даярлау жоспары жасалатын болады.