Президент жастармен жұмысқа ерекше тоқталды. «Ассамблея жастары» ұйымы, Студенттік Ассамблея, Жас ғалымдар клубы және «Жаңа толқын» жобалары мыңдаған жас азаматты ел болашағына жауапкершілікпен қарайтын, бірлік пен ынтымақты қадірлейтін тұлға ретінде тәрбиелеуде.
"Бұл құрылымдар мыңдаған жастарымыз үшін бірлік пен отаншылдық мектебіне айналды. Олар ‘Адал азамат’ қағидатын насихаттауға елеулі үлес қосып жатыр", – деп атап өтті Тоқаев.
Қасым-Жомарт Тоқаев ҚХА мүшелерінің күнделікті тынымсыз еңбегін жоғары бағалады. Оның айтуынша, бұл жұмыс бірден көзге көрінбеуі мүмкін, бірақ стратегиялық тұрғыдан ел болашағы үшін аса маңызды.
"ҚХА мүшелері күн сайын көзге көрінбейтін, бірден нәтиже бермейтін, алайда ұзақ мерзімді, стратегиялық тұрғыдан тиімді, ауқымды жұмыс жүргізеді", – деді Президент.
Өткен жылы Ассамблея еліміздің барлық өңірінде 15 мыңнан астам іс-шара ұйымдастырып, оған 1 миллионға жуық адам қатысқан.